A Regueifa Netlabel www.aregueifa.net: VALE TUDO

8.4.09

VALE TUDO - Gris (2009)

Podes baixar un Zip de 18 Mb co disco enteiro en mp3 ou os temas por separado coas seguintes ligazóns:

VALE TUDO - Gris (2009).zip

GRIS é o segundo disco de Vale Tudo. Foi gravado e mesturado por Roberto Mallo no Taller Electrónico da Coruña e na casa de Bárbara R. Soto (quen toca o piano en dous dos temas ) en Lugo. A masterización correu a cargo de Rafael Martínez del Pozo na súa casa de León. O disco volve a ter un deseño artesanal na súa maioría, cumprindo o noso desexo de facer as cousas coas nosas propias mans. De momento pódese mercar en Lugo, A Coruña e Barcelona, pero iremos deixándoo noutras cidades como fixemos co anterior. Podedes consultar no noso myspace os nosos movementos. Tamén o podedes mercar pedíndonolo ó noso correo: tudovale@gmail.com.

Fotografia de Rafael Mallo

Contacto: tudovale@gmail.com
Myspace: http://www.myspace.com/tudovale

A Regueifa Plataforma é un netlabel sen ánimo de lucro dende o que todos aqueles creadores e creadoras que o desexen poden difundir, distribuir e amosar a súa obra libremente baixo licenza Copyleft. Non importa o que fagas (música, videocreación, fotografía, poesía, pintura, banda deseñada, cinema...) nen como o fagas, se é dixitalizábel e queres difundilo na Rede a través do noso netlabel simplemente escrébenos a info@aregueifa.net.

Dentro do proxecto e coa fin de apoiar a difusión do indie en galego nasceu en 2007 A Regueifa Discos, un novidoso selo discográfico que ten coma particularidade a de editar baixo licenza Copyleft e sen ánimo de lucro, ficando os grupos e artistas co 100% das ganancias obtidas pola venda da súa música.
A licenza Copyleft empregada polo netlabel para a edición das obras é a Creative Commons, permitindo copiar, distribuír e comunicar publicamente as obras e facer obras derivadas sempre que se cumpran as condicións especificadas na licenza.