20.7.11

DAS KAPITAL - Ruido Negro (2011)

Podes baixar un Zip de 64 Mb co disco enteiro en mp3 coa seguinte ligazón:


DAS KAPITAL - Ruido Negro (2011).zip


Das Kapital refuga o estado de cousas. Opón ruído negro á dominación consentida e contra o pop consensual ofrece un discurso en chamas, ferido.

Programme, Bobby Seale, Einstürzende Neubauten, Heiner Müller, Stereolab, Atari Teenage Riot, Os Resentidos, Walter Benjamin, Nine Inch Nails, Lois Pereiro,

presentes!

A situación é delicada. O son dos disturbios produce disturbios.

Das Kapital naceu en maio de 2010 nun concerto de homenaxe a Radio Océano. Cun funcionamento descentralizado, aberto pero militante, Marcos Paino encárgase dos sintetizadores, O Leo da voz, Tomas Ageitos das percusións e o son en directo, Doutor Chou e David Ageitos introducen as guitarras e Daniel Salgado o Adat e o kaoscilator.

Das Kapital edita en xullo de 2011 o seu primeiro disco, Ruído Negro, e chama a decidir se queremos facer parte do problema ou queremos facer parte da solución.

Socialismo ou barbarie.

Das Kapital son:


Daniel Salgado: Adat e Kaossilator
O Leo: Voz
Marcos Paino: Sintetizadores
Tomás Ageitos: percusións e son en directo
Doutor Chou: Guitarra
Davide Ageitos: Guitarra

Coa colaboración especial de: Manu Paino (trompeta), Alex Salgueiro (sintetizadores), Gonzalo Vilas (acordeón).

Ruido Negro foi ideado, gravado e mesturado por DasKapital no Palacio de Inverno (Santiago de Compotela) e estudios Amil (A Coruña) e masterizado por Bonjan nos estudios Bonjan (A Coruña) entre abril e maio de 2011.

Deseño gráfico: Xosé Carlos Hidalgo

Producido por DasKapital
Traduccións ao ingles: Patricia Janeiro

Contacto:
galhegoz@hotmail.com / (+34) 622 890 043

5.7.11

Bangor - Lembrarás este cuarto (2011)


Podes baixar un Zip de 31 Mb co disco enteiro en mp3 coa seguinte ligazón:


Bangor - Lembrarás este cuarto (2011)


Digamos que Lembrarás este cuarto? é un disco contra a aceleración. Conta as verdades pegado á orella e interrompe a circulación da mercadoría das emocións: o trenzado acústico co que David Miranda encarna os poemas de María do Cebreiro remite a Bryter Lyter e aos Go-Betweens e, así, con eses vimbios, opónse á velocidade como método vital e ao espectáculo como estrutura dos sentimentos. Son tamén os dez mil murmurios que ouvía Dylan en 1963 e para os que segue sen haber quen escoite. E con todo é preciso volver repetir as cousas: “Isto non é un himno / non alegra a ninguén”.

No tempo do saqueo, todo serve á hora de escapar. Tamén a produción de silencios e a necesidade de relatar un lugar fóra de calquera lugar. Segundo o profesor Eagleton, fugarse do ruído continuo é unha boa razón para se facer socialista. Lembrarás este cuarto inscribe no aire das cousas esa posibilidade. E a de corromper o brado constante da histeria do capital. E a de pensar en tirar do freo de emerxencia. Gravado nun cuarto seguramente semellante ao cuarto en que Laetitia Sadier gravou Socialisme ou barbarie, estas dez miniaturas constitúen finalmente un refuxio onde se gorecer da segunda parte desa disxuntiva. Como aquel elepé que Pete Dello, sen que apenas ninguén se decatase, rexistrou en 1971 contra a clausura dos horizontes. Titulouno Into your ears.


(Texto de Daniel Salgado)


Bangor son
David Miranda: guitarra, voz
María do Cebreiro: voz

Lembrarás este cuarto?
foi gravado en decembro de 2008 nos Estudios Abrigueiro (Friol), con Jahel Piñeiro como técnico de son e Arturo Vaquero en labores de produción, que tamén colaborou incorporando percusións, baixo e sintetizadores. A mestura e masterización final foi realizada por Paco Liaño nos Estudios Treboada (A Coruña), en setembro de 2010.

Deseño gráfico
: Pablo Cayuela e Xosé Carlos Hidalgo

Contacto
: bangor.musica@yahoo.com

27.4.11

ATAQUE ESCAMPE - Violentos anos dez (2011)

Podes baixar un Zip de 89 Mb co disco enteiro en mp3 coa seguinte ligazón:


ATAQUE ESCAMPE - Violentos anos dez (2011).zip


O mundo arderá. Verémolo arder. É o momento de parar o xogo de forzas centrípetas (Galicia es una mierda) e centrífugas (A grande evasión) e debuxar algunhas outras constelacións. É o momento no que o ambiente que nos envolve é tan abafante que nos sentimos, curiosamente, máis despreocupadas e serenas que nunca. Os anos dez traen a cara engurrada dos policías xubilados. Tanto nos ten: nunca seremos policías e nunca estaremos xubiladas. Facemos cancións porque non temos emprego. Non queremos dicir, porque se trata case dun tópico, que o ritmo do baile son os latexos de milleiros de pequenos corazóns subalternos. Mais ímolo dicir: o ritmo do baile son os latexos de milleiros de pequenos corazóns subalternos. Desta vez si, ficamos na periferia. O Haití é aquí. Os negros aforcados balánzanse entre os eucaliptos. Doce fogar, Alabama. Pasaremos a bailar as noites no ghetto, e será importante. Estamos por todas as partes e somos invisíbeis desde os avións.

Todos os temas compostos por Ataque Escampe agás “Festa malandrómica” (Hevi / Caldeirada)

Ataque Escampe son:

Roi Vidal – Batería, kazoo, coros

Xoán Lois G. Carlín – Baixo eléctrico, contrabaixo, piano, teclados, maracas, coros
Samuel Solleiro – Banxo, guitarras, harmónicas, slide, xilófono, pandeireta, coros
Álex Charlón – Voz, corosMiguel Mosqueira – Guitarras, voz, coros

Coa colaboración especial de: Pandeireteiras Bouba (pandeiretas en “Spiritual 2019”), Carlos Quintá (xoguetes en “Once Upon a Time: a Terra Cha”), Manuel Paino (arranxos de vento, trompeta en “Pel de serpe” e “Spiritual 2019”), Marcos Paino (saxo barítono en “Pel de serpe”), Martiño Domínguez (saxo tenor en “Pel de serpe” e “Segunda división”), Marco Gelpi (berimbau en “Once Upon a Time: a Terra Cha” e “Pel de serpe”) e Francesc 'Paq' Esteve (acordeón en “Festa malandrómica”).

Violentos anos dez foi gravado, mesturado e masterizado por Arturo Vaquero e Jahel Piñeiro nos estudios Abrigueiro (Friol) do 7 ao 16 de marzo de 2011. Algúns instrumentos graváronse nas casas de Marcos Payno, Carlos Quintá, Mark Wiersma e Miguel Mosqueira.

Deseño gráfico: cherylsinner@gmail.com

Fotografía interior: Alba Viñas
Producido por Ataque Escampe / O longo adeus (Miguel Mosqueira e Samuel Solleiro)

Nunca saberán que participaron neste disco: Raoul Walsh, Billie Holiday, Juan Luis Guerra, Sabrina Salerno, Los Enemigos, Howard Hawks, Bobby Womack, Toni Morrison, Rosalía de Castro, Sergio Leone, The Staple Singers, Robert Haas, Celia Gámez, Xiana Arias Rego, Angelo Badalamenti, James Clavell, Tony Joe White, Curtis Mayfield, San Paulo, Bob Kelljan, Xosé Luís Méndez Ferrín, Banda Blanca, Manuel Vilas, Gloria Gaynor, Robert Louis Stevenson, ABBA, Chus Pato, John Ashbery, The Supremes, Sylvie Vartan, John Ford, Yoichi Takahashi, Clint Eastwood, Harriet Beecher Stowe, Martha Reeves, John Coltrane, George Stevens e Cantinflas. Respecto. A propiedade intelectual é un roubo.


Contacto: ataqueescampe@gmail.com / (+34) 625789363
Myspace: http://www.myspace.com/ataquescampe
Blog: http://ataqueescampe.blogspot.com


30.3.11

TERBUTALINA - Live in Catoira (2011)

Podes baixar un Zip de 19 Mb co disco enteiro en mp3 coa seguinte ligazón:

TERBUTALINA - Live in Catoira (2011).zip


“Live in Catoira” son oito temas extraídos do concerto que a Terbutalina perpetrou en Catoira en febreiro de 2011 e supón a presentación desta banda de rock de garaxe de Muros.

A Terbutalina nace no 2010 cando ex-membros de grupos como THE, Metralla, Skaiola Borrokal ou Süiss dan en se xuntar e tirar para adiante. Elaboran unha recua de temas, comezan a dar concertos baixo a máxima “mellor arriscarse e que rompa” e convértense na esperanza negra da música muradá.

Monógamos, promiscuos e cun corazón que non lles colle no peito.

Membros:
Miguel: voz principal e guitarra.
Mon: voces e guitarra
Samuel L. París
: voces e baixo.
Brais: voces e batería.

Contacto:
aterbutalina@hotmail.com

669 982 962 (Samuel L. París)
http://www.myspace.com/terbutalina
http://twitter.com/terbutalina
http://terbutalina.blogaliza.org

13.1.11

OS TRASNOS DE MOSCOSO - Casa da Joaquina (2011)

Podes baixar un Zip de 36 Mb co disco enteiro en mp3 coa seguinte ligazón:

OS TRASNOS DE MOSCOSO - Casa da Joaquina (2011).zip


"Casa da Joaquina é o segundo trabalho de Os Trasnos De Moscoso. As 7 cançoes que a formam som uma pequena viagem pelos 4 últimos anos da banda. Com este trabalho Malvares “O último que ri” e mOn fecham a sua etapa como OTDM e abrem outra com o nome de PROJETO XIDO dentro do coletivo LÍNGUA NATIVA"

Créditos:

Letras e voz: Malvares “O último que ri”.
Scratching: mOn
Beats: Arre-O! (Língua Nativa).

Casa da Joaquina foi gravada, misturada, masterizada e produzida em Xabelo Records por Jimi Damolinera (Bleak Days).
Faixa 5: Teoria do Flow de Mihaly Csikscentmihalyi e guitarra slide por Jimi

Desenho e fotografia: Zalo e Ingrid
Debuxo: José Nogueira “Pito do Valente”.

Web: www.myspace.com/ostrasnosdemoscoso
Contacto: ostrasnosdemoscoso@gmail.com


10.1.11

Carrero Bianco - Oferta de lanzamiento (2011)

Podes baixar un Zip de 33 Mb co disco enteiro en mp3 coa seguinte ligazón:

Carrero Bianco - Oferta de lanzamiento (2011).zip


"En pouco máis dun ano -Carrero Bianco nacen en Ferrol na primavera do 2009- convertéronse nunha das grandes esperanzas da escena independente galega. A súa peculiar revisión da new wave levounos a defender unha proposta que poderiamos definir como a nova onda dentro a nova onda, é dicir, un cóctel explosivo no que caben o post punk, o electro e o tecnopop, todo iso aderezado cun chisco de Pegamoides, outra de Derribas Arias e Devo, e unhas pingas de metafísica. En definitiva, estamos ante un grupo con corazón 80s que actualiza a proposta para elevala a un novo nivel.
Carrero Bianco son Rocío Bianco (batería electrónica e voces), Blas Bianco (baixo e voces), Joaquín Bianco Quincho (guitarra, microkorg, voces) e Sergio aka Agostinho Bianco (teclados varios e microkorg)."

Fonte: Lafonoteca.net

Web: http://www.myspace.com/carrerobianco


6.10.10

ZIMMER103 - Exilio interior (2010)

Podes baixar un Zip de 22 Mb co disco enteiro en mp3 coa seguinte ligazón:

ZIMMER103 - Exilio interior (2010).zip



Exilio Interior>> O ESTATUTO DO TORCEDOR DE CHECOSLOVENIA!!

"Calquera persoa medianamente sensible que non coñeza a Zimmer103 preguntaríase ao escoitar calquera tema destes ao azar… que diaño se lle pasa a este artista pola cabeza?"

"Esta é a música que debería soar de xeito obrigado no fío musical dos supermercados e sobretodo nas tendas de roupa do grupo Inditex, que tanto adoitan a barrenarnos a cabeza coa música esta chunga que se fai con ordenadores".

"Namentres políticos, pais, educadores e profesionais da saúde adican todos os seus esforzos a rematar coa obesidade infantil e promover dietas saudábeis entre os adultos… Zimmer103 ten un maquiavélico plan: Encher as vilas e cidades galegas de Galiza-Kebabs con menús de alta cociña rica en colesterol preparados especialmente para muyahidins galaicos".

CREDITOS
- LABIRINTOS DE ECUACIÓNS Letra e música : ZIMMER103 - CIRCU Letra : Carlos Suari música e ouveos: ZIMMER103 -EXILIO INTERIOR letra e ouveos: Antonio Río – ZIMMER103 – Toño Randeeira música: ZIMMER103 -ROAD MOVIE letra e ouveos: Rubén Otero-Funchal Systema- Joam Mourinho música: ZIMMER103 - DÁLLE QUE LIBRAS Letra , música e ouveos: ZIMMER103 - NON CANTA NA CHÁ NINGUÉN letra: Manuel María música e ouveos : ZIMMER103-Deva Pravia - A XUGADA letra: O Xestal – ZIMMER103 música: ZIMMER103 -POLO CARREIRO DO CAN letra e ouveos : Calviño – Guillermo Vázquez música: ZIMMER103

Web: http://www.myspace.com/zimmer103
Contacto: zimmer103@hotmail.com

21.9.10

Sacha na horta - Temos moito por sachar (2010)

Podes baixar un Zip de 34 Mb co disco enteiro en mp3 ou os temas por separado coas seguintes ligazóns:

SACHA NA HORTA - Temos moito por sachar (2010).zip

"Sacha na Horta é um grupo de mulheres que nasceu umha noite de festa entre as hortas de Compostela. Embriagadas pola música e polo álcool decidem provar os efeitos fertilizantes do licor café e das melhores sementes agromarom os repolos mais extraordinários que deu a terra. Como a noite é moi longa apresentarom-se ao A Polo Ghit 2007 e, como a vida é surprendente, ...ganharom. Volta a colher o sacho! Estream-se em janeiro de 2008 no Centro Social A Gentalha do Pichel de Compostela. O seguinte concerto será n'A Habana. A partir de aí, sempre abaixando o lombo sem deixar de bailar, o “agropunk mestiço” das sachadoras nom deixará de soar porque...SE AS MULHERES PARAM, O MUNDO PARA!"



7.6.10

CUDEVASO - Cudevaso EP (2010)

Podes baixar un Zip de 15 Mb co disco enteiro en mp3 ou os temas por separado coas seguintes ligazóns:

CUDEVASO - Cudevaso EP (2010).zip

  1. Intro
  2. Chanchan
  3. Abdul-Jabbar
  4. Turismo Occidental
  5. Mirando pa Burgos
  6. Xabarín


"CUDEVASO EP o desenfadado segundo traballo homónimo de CUDEVASO, refundada con novos membros que viñan de distintos proxectos musicais, tan diferentes e á vez tan afíns. A súa música é difícil de catalogar, e as súas influenzas, difíceis de descifrar. Letras absurdas e sen sentido, guitarras ruidosas e estridentes sen descanso e un Farfisa chirriante son o método da banda con base no Milladoiro."

Este traballo foi gravado nos estudios Abrigueiro (Friol) nun domingo de Marzo de 2010.

http://www.myspace.com/cudevaso


3.6.10

Anda-lh'à Lus - Veço Açesso (2010)

Podes baixar un Zip de 69 Mb co disco enteiro en mp3 coa seguinte ligazón:


Anda-lh'à Lus - Veço Açesso (2010)

"Anda-lh'à Lus é andar aceso no intre exacto. Iso mesmo é. A idea orixinal xurdiu no verán pasado, no 2009, cousa que agromou e medrou no mes de outubro logo dun encontro en Madride. Os sons de arredore son os protagonistas das luzadas que compoñen a iluminación das ideas. Sons do ambiente e verbas nativas sen aparente senso antre elas, fican esconxuntadas e xunguidas. A escena presencial ou lugar é a mesma fonte inspiradora que dá a enerxía para acender o cadro de luces que compón e debulla o entrenzado sonoro. Deixarse inspirar e aproveitar a luz das ideas xera un tecido que muda deica unha tea polo vieiro do veço. Teas desomellantes e defincideiras que ambientan un espazo mouro, ruín, iluminando somentes o curruncho musical perciso e exauto. Sintetizadores analóxicos, instrumentación virtual e algunha guitarra bouran na al-Jaima do deserto das consciencias. Daille!"

Xabier do Anxeliño: Hardware, Software, guitarra e gaita.
Moncho de Lucas: Deseño, ambientación e voz.
Contacto: andalhalus@gmail.com

A Regueifa Netlabel www.aregueifa.net Apdo. de Correos 157 15780 Santiago de Compostela (CC) 2009

Alguns dereitos reservados